Pondskull е Меј, млада музичарка од Скопје, тукушто матурирана од средното музичко училиште во Скопје – Илија Николовски – Луј. Меј прави и објавува своја авторска музика уште од 13 годишна возраст. Под името Pondskull веќе има настапувано повеќе пати во Македонија, меѓу кои и на фестивалите „Сепак се врти“ и „Под земја полесно се дише“ и нејзините сетови на електронска power noise музика беа интензивни завршници на повеќе концертни програми минатата година.
Нејзиниот прв истоимен албум излезе во јануари годинава и е составен од две траки – Pondskull, 40 минутната трака за која ќе зборуваме денес и The Pondskull Interdisciplinary Musical Ensemble – снимен материјал од концертната промоција на материјалот во поинакво светло и во придружба на музичките пријатели Алекс, Мартин, Борјан и Цио. Моментално свири бас во бендот Малард.
