Глигор Кондовски е музичар, режисер, фотограф, или на кратко, мултимедијален уметник роден во Тетово во 1980 година. Дипломирал виолина на Факултетот за музичка уметност во Скопје. Завршил и Факултет за драмски уметности (филмска и ТВ режија) во Тетово, и е магистер по филмско и ТВ сценарио на Факултетот за драмски уметности во Скопје. Моментално завршува и магистерски студии по композиција на ФМУ во Скопје. Работи како професор по виолина во средното училиште Тодор Скаловски Тетоец во Тетово, режисер е на повеќе кратки филмови кои се прикажувани на повеќе светски фестивали, и има реализирано неколку самостојни фотографски изложби. До сега има издадено повеќе албуми амбиентална и авангардна музика: „Crumbly Secret, 2008“, „Flown Letters, 2012“, „Aound the bend, 2019“, „Here“, 2020, „Beseda“, 2020 и „Hover“, 2021. Во 2024 го издава албумот Floating steps, а во оваа епизода зборуваме за темата “A path through the forest”.
