Театарска претстава ФИЗИКА НА РАДОСТА

Билети можете да купите на следниов линк
https://tix.mk/…/340/fizika-na-radosta-teatarska-pretstava

Претставата го преиспитува човекот како суштество составено од туѓи сеќавања, недоизговорени приказни, тишини, стравови и нежности – елементи кои секој од нас ги носи низ животот како свој личен лавиринт.

Проектот „Физика на радоста“ е директно инспириран од книжевниот свет на познатиот роман „Физика на тагата“ нa Георги Господинов. Претставата тргнува од идејата дека секој од нас во себе носи едно дете, едно чудовиште и една напуштена соба која долго време никој не ја отворил.

Во овој визуелно театарски концепт, митскиот Минотаур не е претставен како чудовиште, туку како длабок симбол на невидливото, отфрленото и несфатеното во општеството, додека самиот лавиринт не е само физички простор, туку внатрешна состојба на човекот.

Она што ја прави оваа претстава исклучително значајна е нејзиниот инклузивен карактер. Креативниот процес и самите дела се создадени од лица со типичен и атипичен развој од Центарот за поддршка на лица со интелектуална попреченост (ЦПЛИП) „Порака“ – Скопје, заедно со членовите на „Театар Пи“. Претставата функционира како заеднички простор изграден врз доверба, различност и емпатија.

Автор на текстот е Златко Митрески. Режијата е исто така на Златко Митрески и на Македонка Митреска Илиевска. Музиката е дело на бендот Алембик и Дино Рамо. Костими и шминка Сандра Миовска.

„Кога тагата конечно ќе се измери, на другата страна од кантарот останува радоста. Повелете да ја измерите со свои очи“, порачуваат организаторите, поканувајќи ја скопската публика да го посети овој настан.