Taxi Consilium е современ експериментален фри noir џез состав од Скопје, Прилеп, Св. Николе и Кочани. Од своето формирање во 2021 до денес имаат остварено огромен број настапи меѓу кои Крај Вардарот Џез фестивал, Џез фестивалот во Прилеп, Омнибустопија во Паблик рум, Олд Скул во Скопје, Драмски аматерски фестивал Кочани, настап во Софија Лајв Клуб во Бугарија, како и Скопскиот Џез фестивал во 2022, а годинава и во Џези во Скопје, и последно Џез ин во Охрид. Бендот е составен од Филип Букршлиев на гитара, Андреа Мирческа на контрабас, Благојче Томевски на Бе и Бас кларинет и Драган Теодосиев на тапани. Сите членови имаат свирено во разни други состави, меѓу кои Cobalt Code Unit, Yordan Kostov Quintet, Filip Bukrshliev Trio, Fighting Windmills, Svetlost Odron Ritual и други. До сега ги имаат издадено албумите The Essential Sunday Gloom во 2021 и Spiritual Car Wash во 2022 година. Miasma of Shame е 4та тема на првиот албум, издаден преку ПМГ Џез, и претставува спој од контролирана бука (no pun intended) и развлечена грувачка бас линија како бекинг за еден многу дрзок кларинет.
